नेपालगन्ज : बाँकेको डुडुवामा टिप्पर दुर्घटना भएको छ। रा १ ख १५३८ नम्बरको टिप्पर बाँकेको डुडुवा गाउँपालिका वडा नम्बर ४ स्थित लालापुरमा मंगलबार दिउँसो करिव साढे १२ बजेको समयमा दुर्घटनामा परेको हो।

बाटो निर्माण कार्य भइरहेकोले निर्माण सामाग्रीहरु जथाभावि राखेको र साँघुरो बाटोमा तिव्र गतिका कारण दुर्घटना भएको प्रहरीले जनाएको छ। प्रहरीका अनुसार उक्त टिप्पर ठाकुरबाबा नगरपालिका वडा नम्बर २ बस्ने ४१ वर्षीय गगनसिंह सुनुवारले चलाएका थिए।

मानवीय क्षति भने केही नभएको प्रहरीको भनाइ छ । हाल थप अनुसन्धान भइरहेको बताइएको छ।