टीकापुर । टीकापुर नगरपालिका वडा नं. १ स्थित त्रिपथ विद्या निकेतनको स्कुल बस दुर्घटना हुँदा १५ जना घाइते भएका छन् । विद्यार्थी पुर्याउन गएको स्कुल बस जानकी गाउँपालिका वडा नं. ९ कुन्तीस्थित रानी कुलाको नहरमा खसेको थियो ।
घटनाका प्रत्यक्षदर्शीका अनुसार ना५ख ४५६४ नम्बरको उक्त बस नहरमा खस्दा १५ जना विद्यार्थी घाइते भएका छन् । घाइतेलाई टीकापुरतर्फ ल्याइएको घटनास्थलबाट प्रत्यक्षदर्शी विष्णु भाटले जानकारी दिए ।
स्कुल बस नहरमा खसेको बताउँदै इलाका प्रहरी कार्यालय टीकापुरले प्रहरी घटनास्थलतर्फ गइरहेको जनाएको छ । विद्यालयका सञ्चालक मनिष बलायरले पानी परेर सडक चिप्लो भएका कारण बस नहरमा खसेको बताए ।