दर्शन सुनार/कतार : कलाकार ईश्वर पाण्डेको नयाँ गित रिलिज भएको छ। बुधबार 'अस्लेवाको गाउँ' बोलको पन्छे बाजा गीत ईश्वरले युट्युवमा रिलिज गरेका हुन्। गीतमा ईश्वर पाण्डे र सुनिता बुढाको सुमधुर आवाज सुन्न पाइन्छ ।
ईश्वरकै शब्द अनी वसन्त थापाको संगीत रहेको गीतमा एचबिएन किस्मतको संगीत संयोजन रहेको छ । गीतमा अस्लेवा गाउँको वर्णन गरिएको छ।
सुन्दर गाउँमा गएर छायांकन गरिएको भिडियोलाई अजय रेग्मीले आकर्षक फ्रेममा खिचेका छन । यशु भट्टराई, तेजश रेग्मी, दीपा पाण्डे, ईश्वर पाण्डे लगायतका कलाकारलाई भिडियोमा देख्न सकिन्छ।
सागर बाबू भट्टले निर्देशन गरेको भिडियोलाई अमृत चापागाईंले सम्पादन गरेका छन्। आफ्ना अन्य गीतहरु जस्तै यो गीतलाई पनि दर्शक श्रोताले माया गरिदिनेमा पान्डे आशाबादी देखिएका छन्। उनका 'चौतारीमा पिपलु वर', 'कैलाश झलल', 'शंकर भगवान्' लगायत गितहरु चर्चित छन्।