अमेरिकामा धर्मेन्द्रलाई लाइफटाइम अवार्डवाट सम्मान
![](https://www.sauryapatra.com/wp-content/uploads/2023/09/maruti-cement.gif)
![अमेरिकामा धर्मेन्द्रलाई लाइफटाइम अवार्डवाट सम्मान](https://www.sauryapatra.com/wp-content/uploads/2020/12/2020-12-24_dharmendra-796x500.jpg)
![](https://www.sauryapatra.com/wp-content/uploads/2024/07/tata-tiago.jpg)
मुम्बई ।
बलिउडका हि-म्यान उपमा पाएका दिग्गज कलाकार धर्मेन्द्रलाई अमेरिकाले सम्मान गरेको छ । अमेरिकाको न्युजर्सीका सिनेट र जनरल एसेम्बलीले उनलाई लाइफटाइम अचिभमेन्ट अवार्डबाट सम्मानित गर्ने निर्णय लिएको हो ।
हिन्दी चलचित्रमा प्रदान गरिएको अतुलनीय योगदानका लागि उनलाई यो अवार्ड प्रदान गरिएको हो । अभिनेता धर्मेन्द्रले अभिनयको ६ दशकको करियरमा ३०० भन्दा पनि बढी चलचित्रमा काम गरेका छन् ।
यस अवार्डबाट सम्मानित भएकामा खुसी व्यक्त गर्दै उनी भन्छन्, “यो सम्मान पाएर म निकै खुसी र गर्व महसुस गरिरहेको छु ।” यो अवार्ड उनलाई हालै जुम एपमार्फत आयोजित कार्यक्रममा प्रदान गरिएको हो ।
न्युजर्सीको सिनेटमै कार्यक्रम आयोजना गरेर उनलाई सम्मान गर्ने योजना कोरोना महामारीले अनलाइनमा सीमित गरेको हो । धर्मेन्द्रलाई यस अवार्डबाट सम्मानित गरेकामा भारतमा अवस्थित न्युयोर्क काउन्सिल जनरलका राजदूत रणधीर जायसवालले अमेरिकालाई धन्यवाद दिएका छन् । उनले भने, “यो धर्मेन्द्र र उनका परिवारका लागि मात्रै नभई सम्पूर्ण भारतका लागि गर्वको अवसर हो ।”-नवभारत टाइम्स