जनकपुरधाम । सिरहामा अपहरण गरी फिरौती रकम नदिँदा हत्या भएको घटना बाहिर आएको छ । मिर्चैया नगरपालिका ७ का शिवकुमार यादवलाई आफ्नै काकाको छोराले अपहरण गरी हत्या गरेको पाइएको छ । मृतक यादवका काकाको छोरा बिष्णु यादवले सालो ईन्द्रदेब यादवसँग मिलेर हत्या गरेको प्रदेश २ प्रहरी कार्यालयले प्रमुख धिरज प्रताप सिँहले जानकारी दिए । प्रदेश २ प्रहरी कार्यालयको प्रहरी निरीक्षक उमाशंकर प्रसाद साहको कमाण्डमा हत्यामा संलग्न रहेको आरोपमा बिष्णु यादव र ईन्द्र देबलाई पक्राउ गरेको हो । बिष्णु र ईन्द्र देबलाई अपहरण फिरौतीसहित प्राविधिक प्रमाणसहित पक्राउ गरेको बुझिएको छ । पक्राउ परेका दुबै जनालाई थप अनुसन्धानका लागि जिल्ला प्रहरी कार्यालय सिरहामा राखिएको छ । मृतक यादवका दाई केहीदिन पहिले वैदेशिक रोजगारबाट घर आएको समयमा अपहरण गरी फिरौती मागेका थिए । परिवारजनले फिरौती तिर्न नसक्दा गत आइतबार यादवको हत्या गरी मिर्चैया १ स्थित आँप बगैचामा शव फालेका थिए । बाह्रखरी