सुर्खेत ।
सामाजिक अभियान्ता ज्ञानेन्द्र शाहीकाे टाेलीमाथी सुर्खेतमा आक्रमण भएको छ । राहत बाड्न सुर्खेत पुगेको बेला शुक्रबार राति स्थानीय केही ब्यक्तिहरुले आक्रमण गरेका हुन ।वडा नम्बर १३ काे करे खाेला नजिकै खाना खाएर फर्कने क्रममा आफुहरुमाथी एकासी ढुंगामुढा सहित आक्रमण भएको शाहीको टाेलीले बताएको छ ।आक्रमण बाट शाही सहित पाँच जना घाइते भएका छन ।
आक्रमणमा अभियानका दुई जनालाई अलि बढि चाेट रहेको र अरु सामान्य घाइते भएको प्रहरीले जनाएको छ ।आक्रमणमा संलग्न पाँच जनालाई प्रहरीले पक्राउ गरेको छ । घटनामा संलग्न पाँच जनालाई राति नै पक्राउ गरिएको सुर्खेतका एसपी राजेन्द्र भट्टले जानकारी दिए ।घटनाको बारेमा विस्तृत अनुसन्धान भइरहेको पनि भट्टले जानकारी दिए ।शाहीको टाेली स्वास्थ्य सामाग्री वितरणकाे लागि विभिन्न जिल्लामा पुग्ने क्रममा शुक्रबार मात्रै सुर्खेत पुगेको छ ।आक्रमण के कारणले भएको हाे विस्तृत केही खुलेको छैन ।
