काठमाडौं । विप्लव नेतृत्वको नेपाल कम्युनिस्ट पार्टीले अमेरिकी मिलिनियम च्यालेन्ज कर्पोरेसन (एमसिसी) विरुद्ध आज काठमाण्डौमा वृहत प्रदर्शन गर्दैछ। पार्टीका नेता खड्गबहादुर विश्वकर्मा ‘प्रकाण्ड’ ले आज काठमाडौंको खुलामञ्चमा दिउँसो १ बजे एमसिसीविरुद्ध वृहत् प्रदर्शन तथा सभा गर्ने तयारी गरिएको जानकारी दिए। सभालाई पार्टीका महासचिव नेत्रविक्रम चन्द विप्लव लगायत देशभक्त जनतान्त्रिक मोर्चाका संयोजक सिपी गजुरेल, नेकपा मालेका महासचिव सिपी मैनाली लगायतले सम्बोधन गर्ने कार्यक्रम छ।