काठमाडौं । पुराना कम्युनिष्ट नेता कृष्णराज बर्माको निधन भएको छ । आइतबार साँझ बर्माको काठमाडौंको ह्याम्स अस्पतालमा निधन भएको हो । २००७ सालको राणा विरोधी आन्दोलनमा सहभागी बर्मालाई छातीमा समस्या देखिएपछि अस्पताल भर्ना गरिएको थियो । ९३ वर्षीय बर्माको उपचारकै क्रममा निधन भएको हो । उनको आजै पशुपति आर्यघाटमा अन्त्येष्टि गर्ने तयारी गरिएको छ । बर्मा नेतृत्वको नेकपा वाम मोर्चाका एक घटक दल पञ्चायत २०४६ सालको जनआन्दोलनमा समेत सहभागी भएको थियो । उनका पत्नी, ४ छोरी र ३ छोरा छन् ।