काठमाडौं। हुण्डी कारोबारमा संलग्न दुईजनालाई पक्राउ गरेको छ। पक्राउ पर्नेमा काठमाडौंको टंकेश्वरीका २३ वर्षीय विक्की खड्गी र भारत दार्जिलिङका ३२ वर्षीय अमित कुमार अग्रवाल रहेका छन्। काठमाडौंको मख्खनमा बिमला इन्टरनेसनल प्रालि सञ्चालन गरी नक्कली गरगहनाको कारोबार गर्दै आएका अमित हुण्डी कारोबारमा समेत संलग्न रहेको विशेष सूचनाको आधारमा प्रहरीले पक्राउ गरेको हो। सोधपुछका क्रममा काठमाडौंको कीर्तिपुर बस्ने विक्की खड्गीको समेत संलग्नता रहेको देखिएपछि पक्राउ गरिएको प्रहरीले जनाएको छ। उनीहरुका सम्बन्धमा थप अनुसन्धान भइरहेको प्रहरीले जनाएको छ।