पोखरा । लुम्बिनी प्रदेशकी निशा चौधरीले नवौं राष्ट्रिय खेलकुद प्रतियोगिता अन्तरगत महिला १ सय मिटर दौडमा नयाँ राष्ट्रिय कीर्तिमान बनाएकी छिन् । पोखरा रंगशालास्थित ट्रयाकमा शनिबार विहान भएको १ सय मिटर दौडको पहिलो हिटमै निशाले कीर्तिमान कायम गरेकी हुन् । उनले १२ दशमलव १५ सेकेन्डमा दुरी पार गर्दै नयाँ कीर्तिमान बनाएकी हुन् । यसअघि देवी माया पनेरुले सन् १९९९ को दक्षिण एसियाली खेलकुदमा कीर्तिमान राखेकी थिइन् । देवी मायाले यसअघि १९ दशमलव १९ सेकेन्डको कीर्तिमान राखेकी थिइन् । महिलाततर्फ १ सय मिटर दौडमा १९ जना सहभागी छन् । आज नै अन्तिम चरण पनि हुनेछ । एथ्लेटिक्समा आज १० हजार मिटर दौड, १५ सय मिटर दौड र सटपुट पनि हुँदैछ । ४ सय मिटर दौडको हिट पनि आव हुनेछ ।