काठमाडौं । सत्ता साझेदार १० दलको बैठकले आज बिहीबार साँझसम्ममा मन्त्रिपरिषदलाई पूर्णता दिने निर्णय गरेको छ । बुधबार दोस्रोपटक बालुवाटारमा बसेको सत्ता गठबन्धन बैठकले यस्तो निर्णय गरेको हो ।
बैठकमा सहभागी जसपा वरिष्ठ नेता राजेन्द्र श्रेष्ठका अनुसार मन्त्रालय भागबन्डामा सहमति भइसकेकाले बिहिवार साझसम्म मन्त्रिपरिषदले पूर्णता पाउने जानकारी दिएका हुन् ।
बैठकपछि पत्रकारहरूसँग उनले भने, ‘मन्त्रालय भागबन्डा लगभग टुंगिएको छ । बिहिवार बेलुकीसम्म मन्त्रिपरिषद बिस्तार हुन्छ ।’ उनका अनुसार दलहरू प्रधानमन्त्री पुष्पकमल दाहाल ‘प्रचण्ड’लाई मन्त्रीहरूको नाम बुझाउनेसमेत सहमति भएको छ ।