दर्शन सुनार/कतार : गैर आवासीय नेपाली संघ राष्ट्रिय समन्वय परिषद कतारले शोक सभा गरेको छ । गैर आवासिय नेपाली संघ राष्ट्रिय समन्वय परिषद कतारका सल्लाहकार जीवछ यादव वार्षिक बिदामा जन्मभूमि गएको समयमा सडक दुर्घटनामा परेर निधन भएको थियो । यादवको असमायिक निधनको दु:खद घडीमा र उनको सम्झनामा गैरआवासिय नेपाली संघका अध्यक्ष रमेश भट्टको अध्यक्षतामा बिहिवार साँझ सनैयामा अवस्थित लाली गुराँस रेष्टुरेन्टको सभाहलमा शोक सभा गर्दै नेपाली संघले स्वर्गीय यादवलाई श्रद्धासुमन अर्पण गरेको हो।
शोक सभामा गैर आवासिय नेपाली संघका सम्पुर्ण पदाधिकारी एवं यादवका जिल्ला बासी तथा शुभ चिन्तकहरुको उपस्थिति रहेको थियो।
शोक सभामा उपस्थित सम्पुर्णले स्वर्गीय जीवछ यादवको सम्झनामा उनको स्मृतिमा दिप प्रचलन गरी उपस्थित सबैले फुल माला चढाएर चिर शान्तीको कामना गर्दै पुष्पञ्जली अर्पण गरेका थिए ।
शोक सभामा बोल्दै एनसिसी कतारका अध्यक्ष रमेश भट्टले सामाजिक काम र कार्यका अत्यन्तै मिलनसार ईमान्दार र कर्तव्यनिष्ठ ब्यक्ति जिवछ यादवलाई गुमाउनु पर्दा आफुलाई निकै दु:ख लागेको बताए । यादवले समाजलाई दिएको योगदान सदैब अविस्मरणीय रहने र नेपाली समाजले यादवलाई सदैव सम्झिरहने बताउँदै यादवको निधनप्रति गैर आवासिय नेपाली संघ परिवार गहिरो दुःख व्यक्त गर्दै दुःखको यस घडीमा मृत आत्माको चीरशान्तिको कामना तथा परिवार र आफन्तजन प्रति गहिरो समवेदना प्रकट गरे ।