काेठामै सुतेकाे समयमा आज भन्दा १० दिन अगाडि हृदयाघातका कारण दक्षिण काेरियामा मृत्यु भएका सुर्खेतका गगन रावलकाे शव आज नेपाल ल्याइएको छ । मृतक रावल अप्रिल ९ तारिख अर्थात आजकै दिन नेपाल आउने तयारीमा थिए,उनलेे आजै नेपाल आउन जहाजको टिकट पनि लिएका थिए । तर दुर्भाग्य आज उनको पार्थिव शरीर बाकसमा नेपाल आएको छ । उनको शव लिन त्रिभुवन विमानस्थल पुगेका उनका आफन्त तथा शुभचिन्तकहरु निकै स्तब्ध थिए ।
याे खबरले सुन्ने र थाहा पाउने जतिलाई अत्यन्तै भावुक बनाएको छ । दक्षिण काेरियाकाे यजु भन्ने ठाउँमा कार्यरत गगनकाे शव नेपाल ल्याउन आर्थिक सहयोग संकलन अभियान सुरु गरिएपछि सम्भव भएको सुर्खेत समाज दक्षिण काेरियाका निवर्तमान अध्यक्ष लाेकेश खत्रीले जानकारी दिए । सामान्यतया दक्षिण काेरियामा मृत्यु भएकाहरुकाे शव नेपाल ल्याउन महँगो खर्च लाग्ने गर्छ । सुर्खेत समाज दक्षिण काेरियाकाे अगुवाइमा आर्थिक संकलन सुरु गरिएको थियोे भने उक्त अभियानमा कर्णाली प्रदेश दक्षिण काेरियाले पनि सहकार्य गरेको थियाे ।
हाल काेराेनाका कारणले गगनकाे शव नेपाल ल्याउन १२ लाख जति नेपाली रुपैया खर्च भएको सुर्खेत समाज दक्षिण काेरियाका अध्यक्ष बखत थापाले जानकारी दिए । उक्त अभियानमा विभिन्न क्षेत्रका ६ सय जना ब्यक्तिले आर्थिक सहयोग गरेको बताइएको छ । अभियान बाट नेपाली २० लाख जति रकम जम्मा भएको थियोे । परिवार सँग सहकार्य गरेर उक्त रकम परिचालन गरिने सुर्खेत समाज दक्षिण काेरियाका निवर्तमान अध्यक्ष खत्रीले बताए । गगनकाे शव शनिबार सुर्खेत पुर्याइदै छ ।गगन इपिएस पास गरि काेरिया पुगेका थिए ।उनी पहिलो कार्यकाल सकेर आजैका दिन नेपाल फर्कने तयारीमा थिए ।
