काठमाडौं । नेपाल प्रहरीका एआइजी सहकुल बहादुर थापाको प्रहरी एकेडेमीमा सरुवा भएको छ । सोमबारको मन्त्रिपरिषद्को बैठकले उनले सरुवा गरेको हो । एआइजी थापा कार्य विभागमा कार्यरत थिए । एकेडेमीका एआइजी मुकुन्दराज आचार्यको अवकाशपछि थापाको सरुवा भएको हो । थापा केन्द्रीय सुरक्षा सेलको प्रमुख थिए । उनको सरुवापछि अब डिआइजी बसन्त कुँवरले कार्य विभागको नेतृत्व सम्हाल्ने भएका छन् ।
पाल्पा । रिब्दीकोट गाउँपालिका-५ देविडांडाका मेखबहादुर खड्काको विष सेवनबाट मृत्यु भएको छ । उपियाँ मार्न प्रयोग गरिने विषादी सेवन गर्दा उनको मृत्यु भएको जिल्ला प्रहरी कार्यालय पाल्पाले जनाएको छ । जिल्ला प्रहरी कार्यालय पाल्पाका अनुसार सोमबार बेलुका ६ बजे विषादी सेवन गरेका खड्काकाे पाल्पा अस्पतालमा उपचारका क्रममा मृत्यु भएको अस्पतालले घोषणा गरेको हो । घटनाको थप अनुसन्धान भइरहेको प्रहरीले जनाएको छ ।
काठमाडौं । मंसिर ४ गते हुने प्रदेश तथा प्रतिनिधिसभा निर्वाचनका लागि आचारसंहिता लागु गर्ने तयारीसँगै सरकारले कर्मचारीको सरुवालाई तीव्र पारेको छ। सोमबार बालुवाटारमा बसेको मन्त्रिपरिषद् बैठकले गृहलगायत केही सचिवहरूको सरुवा गरेको छ । प्रदेश नम्बर १ का प्रमुख सचिव विनोदप्रकाश सिंहलाई गृह सचिवमा नियुक्त गर्ने निर्णय गरेको हो । यससँगै हालका गृह सचिव टेकनारायण पाण्डेको प्रधानमन्त्री तथा मन्त्रिपरिषद्को कार्यालयमा सरुवा भएको छ । यसैगरी बैठकले अख्तियार दुरुपयोग अनुसन्धान आयोगका सचिव
दार्चुला । वर्षा नरोकिएपछि महाकाली र लास्नु नदीको वहाव नेपालतर्फ आएको छ । बाढीले बंगाबगड क्षेत्रमा फेरी कटान सुरु गरेको छ । कटानका कारण दर्जनौं घर जोखिममा रहेको प्रमुख जिल्ला अधिकारी दीर्घराज उपाध्यायले बताए । दार्चुला सदरमुकाम खलंगा बजार पनि जोखिममा छ । महाकालीको पक्की तटबन्धका कारण अहिलेसम्म ठूलो क्षति हुनबाट जोगिएको महाकाली-४ का स्थानीय मानबहादुर बमले बताए । दुहुँ र व्यास क्षेत्रबाट सदरमुकाम खलङगा आउने-जाने बाटो बन्द भएको छ
काठमाण्डौं । प्रत्येक वर्ष आश्विन कृष्ण प्रतिपदादेखि सुरु हुने सोह्र श्राद्ध अर्थात् पितृ पक्ष आजदेखि विधिवत् आरम्भ गरिँदैछ । आरम्भकै दिन आज प्रतिपदा र द्वितीया तिथिको श्राद्ध गर्नुपर्ने नेपाल पञ्चाङ्ग निर्णायक विकास समितिले जनाएको छ । प्रतिपदा तिथि श्राद्धको पिण्डदान २:१९ बजेसम्म गरिसक्नुपर्ने समितिका सदस्य एवं धर्मशास्त्र विद् प्रा डा देवमणि भट्टराईले जानकारी दिए । आश्विन कृष्ण प्रतिपदादेखि आश्विन शुक्ल प्रतिपदासम्मका १६ वटा तिथिमा दिवङ्गत पितृलाई सम्मानका साथ तर्पण, सिदा
काठमाडौं । अविरल वर्षासँगै आएको बाढीले घर बगाउँदा दार्चुलामा एकै परिवारका ४ जना बेपत्ता भएका छन्। बाढीले सदरमुकाम खलंगाको बंगाबगडमा दर्जन बढि घर बगाउदा २ जनाको मृत्यु भएको र एकै परिवारका ४ जना सम्पर्कविहीन भएको हो । बाढीले बंगाबगड क्षेत्रका ११ वटा घर पूर्णरूपमा बगाएको दार्चुलाका निमित्त प्रमुख एवं प्रहरी निरीक्षक जगत गाहा मगरले जानकारी दिए। पहिरोमा पुरिएर नौगाडमा२ जनाको ज्यान प्रहरी निरीक्षक मगरले बताए । बाढीको त्रासका कारण मानिसहरू
नेपालगंज । बाँकेको खजुरामा अवस्थित ‘सुशील कोइराला प्रखर क्यान्सर अस्पताल’ परिसरमा सरसफाई गरिएको छ। अध्यक्ष मल्लले सुशील कोइराला प्रखर क्यान्सर अस्पताल खजुराको पदभार गरेको दोश्रो दिन अस्पताल परिसरमा सरसफाइ गरेर आफ्नो कामको शुरूवात गरेका छन् । सरसफाई कार्यक्रममा अध्यक्ष मल्लले अस्पताल परिसरलाई सधै स्वच्छ र सफा राख्नुपर्ने बताउदै सम्पुर्ण कर्मचारीहरुले आ-आफ्नो काम र पाएको जिम्मेवारी पुर्ण रूपमा निर्बाह गर्न समेत निर्देशन दिएका छन् । सरसफाई कार्यक्रममा सुशील कोइराला प्रखर क्यान्सर
काठमाडौं । राष्ट्रिय आविष्कार केन्द्रका सञ्चालक महावीर पुनलाई गैरआवासीय नेपाली संघ र बिबी फाउण्डेशनले एक करोड रुपैयाँ राशीको पुरस्कार प्रदान गर्ने भएको छ । नेपालकै ठूलो धनराशिको ‘भवन कीर्ति रत्न’ पुरस्कार महावीर पुन तथा राष्ट्रिय आविष्कार केन्द्रलाई प्रदान गर्न लागिएको हो । नेपालको विकासमा पुन पु¥याएको योगदानको कदरस्वरुप संघ तथा बिबी फाउन्डेसनद्वारा संयुक्तरूपमा उक्त पुरस्कार प्रदान गर्न लागिएको जनाएको छ । बिबी फाउण्डेसनका अध्यक्ष एवं गैरआवसीय नेपाली संघका पूर्वअध्यक्ष भवन
चितवन । राप्ती नगरपालिका–३ झुरङुरेको एक दाना उद्योगमा आगलागी हुँदा डेढ करोड रूपैयाँ बराबरको क्षति भएको छ । किरण ओलीको मञ्जुश्री दाना उद्योगको कुखुराको दाना रहेको गोदाममा विद्युत सर्ट भएर आगो लागेको हो । आगलागीबाट दाना उद्योगको मेसिन, बिजुलीका सामानहरू, गोदाममा राखेको दाना नष्ट भएको चितवन प्रहरीले जनाएको छ । बिहीबार राति १ः४० बजे लागेको आगो दमकल, स्थानीय र प्रहरीको सक्रियतामा ३ः२० मा नियन्त्रणमा आएको थियो ।
खजुरा । सुशील कोइराला प्रखर क्यान्सर अस्पताल खजुराले नागरिकलाई सेवा शुल्कमा ५० प्रतिशत छुट दिने घोषणा गरेको छ। अस्पताल विकास समितिका अध्यक्ष टेकेन्द्र मल्लले पदभार ग्रहण गर्दै समितिको आन्तरिक स्रोतबाट खर्च ब्यहोर्ने गरी जेष्ठ नागरिकलाई सेवा शुल्कमा ५० प्रतिशत छुट र विपन्न तथा गरिब सेवाग्राहीलाई सम्वन्धित स्थानिय तहको सिफारिसमा दुई वटा बेड निशुल्क उपलब्ध गराउने निर्णय गरिएको घोषणा गरेका हुन । अध्यक्ष मल्लले भने-` क्यान्सर रोगबाट पीडित भई उपचार गराउँदै
