काठमाडौं ।  स्वास्थ्य तथा जनसंख्या मन्त्रालयले पछिल्लो २४ घण्टामा काठमाडौंमा उपत्यकामा ६९६ जनामा कोरोनाभाइरस संक्रमण भएको जानकारी दिएको छ । शुक्रबार आयोजित मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले पछिल्लो २४ घण्टामा काठमाडौंका ६२०, ललितपुर ३८ र भक्तपुरका ३८ गरी ६९६ जनामा कोरोना संक्रमण भएको जानकारी दिए । उनकाअनुसार पछिल्लो २४ घण्टामा मुलुकभर १४५४ जनामा कोरोना पोजेटिभ देखिएसँगै नेपालमा संक्रमितको संख्या ५१ हजा ९१९  पुगेको छ । यसैगरी कोरोनाबाट निको हुने ७०.६ प्रतिशत रहेको जानकारी दिएका प्रवक्ता गौतमले पछिल्लो २४ घण्टामा ९७२  जना संक्रमणमुक्त भएसँगै निको हुनेको हुनेको संख्या ३६६७२ पुगेको छ । यसैबीच पछिल्लो २४ घण्टामा कोरोना संक्रमणबाट पाँच जनाले ज्यान गुमाएका छन् । कोरोनाबाट निधन हुनेमा मोरङकी ४० वर्षीया महिला, महोत्तरीका ६५ वर्षीय पुरुष, धनुषाका ४५ वर्षीय पुरुष, काठमाडौंका ७० वर्षीय पुरुष र नवलपरासीका ५५ वर्षीय पुरुष रहेका प्रवक्ता डा. गौतमले जानकारी दिए । योसँगै कोरोनाबाट ज्यान गुमाउनेको संख्या ३२२ पुगेको छ ।