काठमाडौं ।
भारतको गुजरातमा गुजरातमा पुल चुडिंदा १३७ जनाको मृत्यु भएको छ ।
आइतबार साँझ मोरबी भन्ने स्थानमा पर्ने मच्छु नदीमाथि बनेको पुल चुडिएको हो । घटनामा सय जना घाइते भएको भारतीय मिडियाले उल्लेख गरेका छन् ।
समाचार अनुसार अझै ५० जना जति सम्पर्कमा छैनन् । सुरक्षाकर्मीले खोज तथा उद्धारको काम जारी राखेका छन् । भारतीय वायु सेनाका जवानलाई पनि घटनास्थलमा परिचालन गरिएको छ ।
गुजरातका मुख्यमन्त्री भुपेन्द्र पटेलले अस्पताल पुगेर घाइतेसँग भेटघाट गरेका छन् । उनले समीक्षा बैठक बोलाएर घटनाको अनुसन्धानका लागि ५ सदस्यीय समिति गठन गरेका छन् ।
राष्ट्रपति द्रौपदी मुर्मु र प्रधानमन्त्री नरेन्द्र मोदी लगायतले घटनाप्रति दुःख व्यक्त गरेका छन् ।
