काठमाडौं । नेपाल सरकारले सेना समायोजनका क्रममा अयोग्य ठहरिएका पूर्वजनमुक्ति सेनाहरूलाई राहत उपलब्ध गराउने भएको छ ।

सोमबार बसेको मन्त्रिपरिषद बैठकले 'अयोग्य' लडाकुहरूलाई कार्यविधि बनाएर जनही दुई लाख रूपैयाँ दिने निर्णय गरेको हो।

'यसअघि २०७३ सालमा बहिर्गमित लडाकुलाई दिने भनिएको रकम सर्वोच्च अदालतका कारण रोकिएको थियो।त्यही रकम अहिले दिन लागिएको हो,' स्रोतले भन्यो, 'कार्यविधि बनाएर प्रत्येकलाई दुई लाख दिने निर्णय भएको छ।'