काठमाडौं । नवनिर्वाचित प्रतिनिधिसभा सदस्यहरूले आज पद तथा गोपनीयताको शपथ लिँदै छन् । यही वैशाख १० गते भएको उपनिर्वाचनबाट निर्वाचित सांसदहरूले शपथ लिन लागेका हुन् ।
बारा क्षेत्र नम्बर–२ बाट निर्वाचित जनता समाजवादी पार्टी (जसपा)का अध्यक्ष उपेन्द्र यादव, चितवन–२ बाट निर्वाचित राष्ट्रिय स्वतन्त्र पार्टी (रास्वपा)का सभापति रवि लामिछाने र तनहुँ–१ बाट निर्वाचित रास्वपाकै डा. स्वर्णिम वाग्लेले शपथ लिने कार्यक्रम तय छ ।
उनीहरूको शपथग्रहण आज बिहान साढे ११ बजे सिंहदरबारस्थित संघीय संसद् सचिवालयमा हुने सभामुखको सचिवालयले जानकारी दिएको छ ।
नवनिर्वाचित प्रतिनिधिसभा सदस्यलाई सभामुख देवराज घिमिरेले शपथ गराउनेछन् ।