काठमाडौं । बर्दियामा एक युवकको हत्या भएको घटनामा प्रहरीले ८ जनालाई पक्राउ गरेको छ ।
लक्ष्मी पूजाको राति गुलरिया नगरपालिका–६ का २३ वर्षीय वरुण घिमिरेको धारिलो हतियार प्रहार गरी हत्या भएको घटनामा संलग्न रहेको आरोपमा ८ जनालाई प्रहरीले पक्राउ गरेको हो ।
घटनामा संलग्न ८ जना पक्राउ परेको र फरार रहेका ३ जनाको खोजी भइरहेको बर्दियाका एसपी सुधिरराज शाहीले जानकारी दिए । उनका अनुसार अनुसन्धान भइरहेकाले पक्राउ पर्नेहरुको नाम भने गोप्य राखिएको छ ।
प्रहरीले पुरानो रिसिइबीका कारण सामान्य भनाभन हुँदा घिमिरेको हत्या भएको प्रारम्भिक अनुसन्धानबाट खुलेको जनाएको छ ।