रुकुम पश्चिम: रुकुम पश्चिममा जिप दुर्घटना हुँदा २२ जना घाइते भएका छन् भने दुई जनाको मृत्यु भएको छ । मृत्यु हुनेमा चौरजहारी नगरपालिका–१३ का ४५ वर्षीय मस्तबहादुर ओली र सानीभेरी गाउँपालिका–२ का सात वर्षीय बालक प्रतिक बुढा छन् ।
लु १ ज २२९७ नम्बरको जिप आज बिहान रुकुम–पश्चिमको चौरजहारी नगरपालिका–८ गोइरीज्युलाको कालेगाउँ पुलनजिक दुर्घटना हुँदा २२ जना घाइते भएका छन् । घाइतेमध्ये ५ जनाको अवस्था गम्भीर रहेको जिल्ला प्रहरी कार्यालय रुकुम–पश्चिमका प्रमुख डीएसपी नमराज भट्टराईले जानकारी दिए ।
घाइतेहरुलाई चौरजहारी अस्पताल लगिएको छ । जिप तीव्र गतिमा रहेको तथा ओभर लोडका कारण दुर्घटना भएको हुनसक्ने प्रहरीको अनुमान छ ।