बाँकेमा आज थप ११ जनाले जिते कोरोना
![](https://www.sauryapatra.com/wp-content/uploads/2023/09/maruti-cement.gif)
![बाँकेमा आज थप ११ जनाले जिते कोरोना](https://www.sauryapatra.com/wp-content/uploads/2020/08/117073295_2026681784138472_3440365483907937126_n-601x500.jpg)
![](https://www.sauryapatra.com/wp-content/uploads/2024/07/tata-tiago.jpg)
नेपालगन्ज ०१, भदौ ।
नेपालगन्ज उपमहानगरपालिका १ वडाअध्यक्ष प्रमोद रिजालसहित ११ जना आज सोमवार डिस्चार्ज हुने भएका छन् । वडाअध्यक्ष रिजाललाई साउन १९ गते कोरोना भाइरस संक्रमण पुष्टि भएको थियो । उहाँसहित डिस्चार्ज हुनेमा नेपालगन्ज उपमहानगरपालिकाका अधिकृत पनि छन् ।
खजुरामा रहेको सुशील कोइराला प्रखर क्यानसर अस्पतालको आइसोलेसनबाट अध्यक्ष रिजालसहित तीनजना, आर्दशनगर आइसोलेसन सेन्टरबाट पनि तीन र लायन्स डेन्टल अस्पताल आइसोलेसनबाट पाँचजना डिस्चार्ज हुन लागेको स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो ।
उहाँका अनुसार आज डिस्चार्ज भएका समेतगरी बाँकेमा कोरोना भाइरस जितेर घर फर्किनेको संख्या चार सय ५५ पुगेको छ । बाँकेमा कोरोना भाइरस संक्रमितको संख्या सात सय ३० पुगेको छ । अहिले जिल्लाका विभिन्न आइसोलेसनमा बाँकेका दुई सय ७२ जना रहेको पनि श्रेष्ठले जानकारी दिनुभयो । अन्य जिल्लाका सात जना पनि बाँकेकै आइसोलेसनमा बसिरहेका छन् ।