हुम्ला । हुम्लामा बोलेरो जीप दुर्घटना हुँदा २ जनाको मृत्यु भएको छ ।मृत्यु हुनेमा अदानचुली गाउँपालिका-५, का अन्दाजी ३५ वर्षीय फागुने लोहार र १३ वर्षीय प्रवेश ऐडी रहेका छन्।
हुम्लाको अदानचुली गाउँपालिका श्रीनगरबाट वडा नम्बर ५ को बारीगाउँ जाँदै गरेको सु ००१ ज ११८३ नम्बरको बोलेरो जीप शनिबार दुर्घटना हुँदा २ जनाको मृत्यु भएको प्रहरीले जनाएको छ । प्रहरीका अनुसार दुर्घटनामा परी ६ जना घाइते भएका छन् ।
घाइतेहरूलाई अस्पतालमा लैजाने काम भइरहेको र घटनावारे थप अनुसन्धान भइरहेको जिल्ला प्रहरी कार्यालय हुम्लाका डीएसपी रवीन्द्र खनालले जानकारी दिए ।