धनुषा । धनुषामा एक महिलाको हत्या भएको अवस्थामा शव फेला परेको छ । हंसपुर नगरपालिका– ७ घर भएकी ५५ वर्षीया शुभदेवी मण्डलको शव हत्या भएको अवस्थामा धनुषाकै सहीदनगर स्थित गहु खेतमा फेला परेको हो ।
सहिदनगर नगरपालिका–४ ननुपट्टीमा रहेको माइती घर गएकी उनी शनिबार साँझ ७ बजेदेखि बेपत्ता भएकी थिइन। आइतबार बिहान गहुँ खेतमा विभत्स अवस्थामा उनको शव फेला परेको जिल्ला प्रहरी कार्यालय धनुषाका प्रहरी नायव उपरीक्षक रन्जन अवाले जानकारी दिए ।
शव फेला परेको जानकारी पाएपछि जिल्ला प्रहरी कार्यालय धनुषाका एसपी भुवेनेश्वर तिवारी आफैँ घटनास्थलमा पुगेका थिए । तालिम प्राप्त कुकुरको सहयोगमा घटनाबारे अनुसन्धान थालिएको धनुषा प्रहरीले जनाएको छ ।
मण्डलको शरीरका विभिन्न भागमा गहिरो घाउचोट देखिएको प्रहरीले जनाएको छ ।