काठमाडौं : शुक्रबार राजावादीको आन्दोलनमा पत्रकार सुरेश रजकको हत्या गरिएको विरोधमा नेपाल पत्रकार महासंघले आज शनिबार माइतीघर मण्डलामा विरोध प्रदर्शन गरेको छ।
बदलिएको परिस्थितिका कारण महासंघले स्थापना दिवसका पूर्वनिर्धारित सम्पूर्ण कार्यक्रम स्थगित गरी प्रदर्शनमा उत्रिएको हो ।
शुक्रबार आगलागीमा पर्नुअघि सुरेश ज्यानको प्रवाह नगरी काठमाडौंको तीनकुनेमा राजावादी र प्रहरीबीच भएको झडपको भिडियो खिचेर आम जनतालाई सुचना सम्प्रेषण गरिरहेका थिए । सुरेश पसेको भवनमा आगो दन्कियो । त्यसपछि अश्रुग्यास प्रहार भयो ।
भवनभित्र गएका सुरेश सम्पर्कविहीन भएका थिए । आगो नियन्त्रणमा आएपछी एभिन्युजको टिमहरु चौथो तलामा गएपछी एउटा कोठाभित्र घुँडामाथि सबै जलेको अवस्थामा सुरेशको शव भेटाएको थियो ।