काठमाडौं : प्रहरी प्रधान कार्यालयले १ बर्ष अवधी पुगेका प्रहरी उपरीक्षक (एसपी) सरुवाको तयारी गरेको छ । जिल्ला प्रहरी प्रमुखका रूपमा १ वर्ष कार्यअवधि पूरा गरेका एक दर्जनभन्दा बढी एसपीको केही दिन भित्रमा सरुवा हुन लागेको हो ।
बाँकेका तुलबहादुर कार्की, सुर्खेतका रुपेश खड्का, रुपन्देहीका रन्जितसिंह राठौर, पाल्पाका नरेन्द्रबहादुर चन्द, गोरखाका वासुदेव पाठक, गुल्मीका राजन भुजेल, स्याङ्जाका शालिग्राम शर्मा, काभ्रेकी वसुन्धरा खड्का र झापाका मिलन केसीको एक बर्ष पुगिसकेको कारण सरुवा हुने भएको छ ।
जिल्ला प्रहरी प्रमुखका रूपमा एक वर्षको कार्य अवधि पूरा गरेका उनीहरुको सरुवा हुने भएपछि उक्त जिल्ला जानका निम्ति दर्जन वढी एसपीहरुले दौडधुप तीव्र बनाएका छन् ।
एसपीको लागि तराईका जिल्लामध्ये आकर्षक पोस्टिङ मानिने झापा, रुपन्देही, बांके , काभ्रे, कैलाली, कंचनपुर जानका लागि दर्जन बढी एसपी शक्तिकेन्द्रको दौडधुपमा लागेको स्रोत बताउँछ ।
प्रहरी नियमावलीले प्रहरी उपरीक्षक (एसपी) सम्मका प्रहरी अधिकारीको सरुवाको निर्णय गर्ने अधिकार प्रहरी महानिरीक्षक (आईजीपी) लाई दिएको छ ।