काठमाडाैँ । स्वास्थ्य तथा जनासंख्या मन्त्रालयले पछिल्लो २४ घण्टामा आठ जना कोरोनाभाइरस संक्रमितको मृत्यु भएको जानकारी दिएको छ । बुधबार मन्त्रालयको नियमित प्रेस ब्रिफिङमा प्रवक्ता डा. जागेश्वर गौतमले पछिल्लो २४ घण्टामा आठ जना संक्रमितको मृत्यु भएसँगै मृतकको संख्या ३७९ पुगेको जानकारी दिए । साथै पछिल्लो २४ घण्टामा एक हजार ६८ जना कोरोना संक्रमणमुक्त भएसँगै निको हुनेको संख्या ४१ हजार सात सय ६ पुगेको उनले जानकारी दिए । साथै पछिल्लो २४ घण्टामा १५३९ जनामा कोरोना देखिएसँगै संक्रमितको संख्या ५८ हजार ३ सय २७ पुगेको छ । साथै बुधबार सक्रिय संक्रमित १६ हजार दुई सय ४२ जना रहेका प्रवक्ता गौतमले जानकारी दिए ।