काठमाडौं । चलचित्र ‘ए मेरो हजुर ४’ को प्रदर्शन मिति घोषणा गरिएको छ । अनमोल केसी र सुहाना थापाको मुख्य अभिनय रहेको चलचित्र ‘ए मेरो हजुर ४’ महिलाहरुको महान पर्व हरितालिका तीजको अवसरमा आगामी  भाद्र १८ गतेवाट प्रदर्शनमा आउने निर्माता सुुुुुनिल कुमार थापाले जानकारी दिए । सुनिलले आफ्नो फेसबुक मार्फत चलचित्रको प्रदर्शन मिति सार्वजनिक गर्दै दर्शकको साथ र सहयोगको अपेक्षा गरे । लकडाउनभन्दा अगाडि ५० प्रतिशत छायांकन सकिएको चलचित्रको छायाँकन अन्तिम चरणमा रहेको निर्माण पक्षले जनाइएको छ । अभिनेत्री झरना थापा निर्देशित चलचित्रका निर्माता भने उनकै श्रीमान सुनिल कुमार थापा हुन् । फिल्ममा सलोन बस्नेतको पनि मुख्य भूमिका छ । सञ्जय लामाको छायाँकन रहेको चलचित्रको निर्माण लागत डेढ करोड नाघ्ने अनुमान गरिएको छ ।