रोल्पा । मंगलबार साँझ रोल्पा परिवर्तन गाउँ पालिका ६ चावाङ बस्ने बर्ष अन्दाजी ३०/३१ को बिरेन्द्र प्रकाश गिरीकाे हत्यामा संलग्न भएको आराेपमा प्रहरीले तीनजनालाई पक्राउ गरेको छ । घर जाने क्रममा धारिलो हतियार प्रयोग गरि हत्या गर्ने कार्यमा संलग्न भएको आरोपमा माडी गाउँपालिका-३ का कमल घर्ती, भिम बहादुर घर्ती र दुर्लभ घर्तीलाई प्रहरीले पक्राउ गरेको हाे ।उनीहरूलाई प्रहरीले विभिन्न इलाकालाई सिल गरि पक्राउ गरेको हाे । हत्यामा संलग्नता उनीहरूकै रहेको धेरै प्रमाणले देखाएको प्रहरीकाे भनाइ छ। घर्तिगाउँ बाट प्रहरि निरिक्षक सुधिर कुमार खड्का सहित ७ जना, ईरिवाङबाट प्र.ना.नि.धन बहादुर केसीको नेतृत्वमा ५ जना र पाछावाङबाट प्र.ना.नि.धन बहादुर रानाकाे नेतृत्वमा ७ जनाको प्रहरी टोली खटेर निजहरुलाई पक्राउ गर्न सफल भएको हाे ।