मकवानपुरको हेटौंडाबाट ९६ किलो ४ सय ग्राम लागुऔषध गाँजासहित ५ जनालाई प्रहरीले पक्राउ गरेको छ । पूर्वपश्चिम राजमार्ग स्थित हेटौंडा उपमहानगरपालिका वडा नम्बर–१० मेनरोडबाट प्रहरीले उक्त परिमाणको लागुऔषध गाँजासहित कन्टेनर र ५ जनालाई पक्राउ गरेको हो ।
मंगलबार राती १० बजेको समयमा जिल्ला प्रहरी कार्यालय मकवानपुरबाट खटिएको बिशेष प्रहरी टोलीले ना.२ ख ५५७९ नम्बरको कन्टेनर गाडीमा लुकाईछिपाई ल्याइको लागुऔषध गाँजा ९६ किलो ४ सय ग्रामसहित ५ जनालाई पक्राउ गरिएको हो ।
पक्राउ पर्नेहरुमा गाडीका चालक जिल्ला मकवानपुर मनहरी गाउपालिका वडा न.६ बस्ने बर्ष २५ को सन्तोष आले मगर, सह-चालक साेहि बस्ने बर्ष २१ को मोसा घलान र सो कन्टेनरमा सवार रहेका मकवानपुर कैलाश गाउँपालिका वडा नं ०८ भार्ता बस्ने वर्ष २४ को उमेश लामा रहेका छन् ।
प्रारम्भिक अनुसन्धान गर्दा उक्त लागुऔषध गाँजा कारोवारमा थप संलग्न ब्यक्ती जिल्ला चितवन राप्ती नगरपालिका वडा नं.२ बस्ने बर्ष ३१ को बिष्णु लामा र ज मकवानपुर कैलाश गाउपालिका वडा न. ८ बस्ने बर्ष २९ को रोशन मुक्तानलाई आज पक्राउ गरी निजहरु ५ जना मानिस, लागुऔषध गाँजा र कन्टेनर गाडी सहित नियन्त्रणमा लिई थप अनुसन्धान भइरहेकाे प्रहरीले जनाएको छ ।
