काठमाडौं : भनिन्छ नि ; निरन्तर मिहेनत गर्‍यो भने एकदिन अवश्य सफल भइन्छ। तर यो भनाइ जोकोहीको लागि सम्भव छैन। जोकोहीले यो भनाइलाई पुर्ण दिन सक्दैनन् । यो भनाइ तिनीहरूलाई सम्भव छ, जो अनवरत रुपमा आफ्नो काम अनि भिजनमा खटिन्छन। हो, यही भनाइलाई आफ्नो जीवनमा सार्थकता दिनेहरु मध्ये एक हुन् मौसम हिमाली। झट्ट सुन्दा सामान्य लागेपनि यो नाम सांगीतिक क्षेत्रका लागि विशेष नाम हो। किनभने मौसम नेपाली सांगीतिक क्षेत्रका व्यस्त अनि लोकप्रिय निर्देशक हुन् पछिल्लो समयका। विशेषगरी नृत्य निर्देशन गर्ने मौसम स्टोरी बेसका म्युजिक भिडियो पनि निर्देशन गर्नेगर्छन। जसका कामलाई दर्शकले अत्याधिक रुचाएका छन् । त्यसो त, सुर्खेतमा जन्मिएका मौसम सानैदेखि नृत्यमा रुचि राख्ने गर्थे। गाउँघरका थुप्रै कार्यक्रममा आफ्नो डान्स प्रस्तुत गरेको अनुभव छ मौसमसंग। एकदिन राम्रो डान्सर बनेर म्युजिक भिडियोमा देखिने रहर त थियो नै मौसमको मनमा। एसएलसी दिएर डान्स अनि पढाइलाई अगाडि बढाउने उदेश्यले काठमाडौ हानिएका मौसमले लामो समय म्युजिक भिडियोमा कोरस डान्सर भएर नाँचे। हजारौं म्युजिक भिडियोमा कोरस डान्सर भएर नाँच्ने क्रम मौसमको २/३ वर्ष नै चल्यो। अब्बल डान्सर गर्न सक्ने क्षमता भएको भएर होला मौसले म्युजिक भिडियोमा डान्स कोरियोग्राफर भएर प्रस्तुत हुन थाले। उनलाई यो अवसर दिने व्यक्ति हुन् बब्बु थापा। जो एक समयका निकै लोकप्रिय डान्सर एवम् निर्देशक थिए। बब्बुले नै मौसमलाई डान्समा अब्बल हुन् मद्दत गरे। मौसम पनि आफ्नो काममा निरन्तर लागिरहे। अन्ततः गत ४ वर्षयता मौसम निर्देशकको रुपमा प्रस्तुत हुन थाले। जुनक्रम अहिले सम्म पनि निरन्तर छ। मौसमले हजारौं भिडियो निर्देशन गरिसके। जसमध्ये अधिकांश म्युजिक भिडियो दर्शकमाझ निकै लोकप्रिय छन् । उनले धेरै कलाकारहरुलाई भिडियोमा नचाइसकेका छन् । पर्दा पछाडि रहेर हजारौं काम गरिसकेका मौसमलाई धेरै दर्शकले पर्दामा देख्न चाहान्थे। जुन कुरा युटुबमा मौसम निर्देशित म्युजिक भिडियोको कमेन्ट बक्समा देख्न सकिन्थ्यो। अन्ततः दर्शकको यो चाहाना पनि मौसमले पूरा गरिदिएका छन् । मौसम केही दिन अगाडी रिलिज भएको एक नयाँ म्युजिक भिडियोमा डान्सरको रुपमा फिचर्ड भएका छन् । लोकप्रिय गायिका जमुना सनम र एचनिएन किस्मतको आवाज रहेको "बाँचेर पो पाइँदो रैछ दर्शन" बोलको गीतको म्युजिक भिडियो मार्फत मौसम दमदार रुपमा पर्दा अगाडि प्रस्तुत भएका हुन् । गीतमा राजु सुनामको शब्द अनि एचबिएन किस्मतकै संगीत रहेको छ। रिलिज हुनुभन्दा पहिले नै टिकटकमा लोकप्रिय बनेको यो गीत बजारमा आइरहेका गीतहरू मध्य बिलकुल पृथक लाग्ने गर्छ। गीतको अडियो निकै दमदार छ। गीतको अडियो जति दमदार छ, भिडियो झन दमदार बनेको छ। भिडियोमा मौसमको धमाकेदार डान्स देख्न सकिन्छ। मौसमका अलवा मोडल बिना बिश्वकर्मा पनि फिचर्ड छिन् । गीतको भाव अनुसार भिडियो बनाइएको छ। भिडियोमा मौसम, बिनाका अलवा अन्य कलाकारहरुको पनि आकर्षक डान्स रहेको छ। त्यसो त पर्दा पछाडि रहेर काम गर्ने मौसम पर्दामा पनि अब्बल देखिने रहेछन् भन्ने कुरा यो भिडियो हेर्दा प्रष्ट हुनेगर्छ । भिडियोको निर्देशन एवम् कोरियोग्राफी पनि मौसम स्वयंले नै गरेका हुन् । करण चैसीरले आकर्षक फ्रेममा खिचेको भिडियोलाई मनोज कार्कीले सम्पादन गरेका हुन् । गीतको भिडियो सनम क्रियसनको अफिसियल युटुब च्यानलबाट रिलिज गरिएको हो। हेर्नुस् भिडियो..   https://youtu.be/67ohnQQNGfE