काठमाण्डौ ।
मिलन आले मगर निर्देशित फिल्म ‘हिँड्दा हिँड्दै’को प्रदर्शन मिति घोषणा गर्दै फर्स्टलुक पोस्टर सार्वजनिक गरिएको छ ।आगामी माघ २० गतेलाई प्रदर्शन मिति तोकिएको फिल्मको पोस्टरमा अभिनेता आकाश श्रेष्ठ र अभिनेत्री रेखा शाह रोमान्टिक अवतारमा प्रस्तुत छन् ।
नारायण सुशील पंगेनी इन्टरटेन्मेन्टको ब्यानरमा विमल श्रेष्ठ प्रस्तुतकर्ता रहेको फिल्ममा सलोन बस्नेत, सानीया खान, विमल श्रेष्ठ, विशाल श्रेष्ठ, विकास थापा मगर, ममता पौडेल र बालकलाकार अर्विन थिङ्गले पनि अभिनय गरेका छन् । राजकुमार थिङ निर्माता रहेको फिल्मको सह-निर्मातामा केबी सुब्बा, प्रमोदकुमार तामाङ र महादेव साह छन् । यस फिल्मको कथा सुशील पंगेनीको हो ।
लीलामान तण्डुकारले खिचेको फिल्मका गीतहरुमा तारा प्रकाश लिम्बू र किरण माइकल घिमिरेको संगीत, कविराज गहतराज र सुरेन्द्र बसेलको कोरियोग्राफी, देव महर्जनको द्वन्द्व निर्देशन र नवीन निरौलाको सम्पादन छ । ‘आरआर फिल्मस्’ले वितरण गर्ने फिल्मको हाल पोष्ट प्रोडक्शनको काम भइरहेको छ । यो फिल्मले आकाश श्रेष्ठको स्टारडम मापन गर्ने कतिपयको विश्लेषण छ । फिल्मीखवर