भक्तपुर । नेकपा एमालेका अध्यक्ष केपी शर्मा ओलीले एमालेले हार्दा देश नै हार्ने बताएका छन् । शुक्रबार एमाले उपत्यका विशेष कमिटिको बैठकमा ओलीले देशको जित हुन आगामी निर्वाचनमा एमालेले जित्नैपर्ने बताएका हुन् । एमालेका लागि त केही छैन । ५ वर्ष प्रतिपक्षमा बस्छ । त्यहीँबाट सुशासनको पक्षमा आवाज उठाउँछ । तर एमालेले हार्दा देश हार्छ,’ ओलीले भने, ‘देशले जित्नका लागि पनि एमालेले जित्नुपर्छ । एक वर्षमै गठबन्धनले देशलाई यो अवस्थामा पुर्याएको छ । ५ वर्षमा देशका विरुद्ध यीनिहरुले जस्तोसुकै कुकर्म गर्छन् । त्यसैले पनि एमालेले यो निर्वाचन जित्नुपर्छ ।’